Pour le transfert des antennes de France 3 aux Régions

            Aprèp nòu meses de secada nos anavem pas plànher d’un pauc de pluèja. Malaiga ! Aqueste 23 de novembre de 2022 ploguèt tota la matinada sus Tolosa e Lengadòc-Naut. De raissadas e de ventadas a metre pas un occitanista defòra. Pr’aquò, si-ben-tant una ponhada d’aquestes foguèt pro coratjosa per desfisar los elements. Ploviá talament que los que fasián lo pè d’andèrs davant França 3 èran obligats de cobrir de la man lor aniseta per qu’aquesta se negue pas. Militar per aparar l’identitat nòstra, necessita d’aver la codena espessa. Pro espessa per dire que l’aiga la traverse pas. Ni per marrit temps foguèrem un trentenat de militants que nos acampèrem a la Cepièra de Tolosa, davant l’ostal de França 3, per demandar d’occitan cada jorn a la television.

            La reivindicacion del Collectiu occitan per l’audiovisual es minimalista, mas cal ben admetre que partissem de res, o de pas grand causa, talament lo mesprètz dels poders publics cap a l’identitat nòstra es grand. Es de notar qu’aquel meteis 2 3 de novembre de 2022, dos autres aperitius reivindicatius se debanavan, a Monpelhièr e a Chamalièras prèp de Clarmont d’Auvèrnha.  En Lengadòc-Bas se recampèron de monde de las calandretas, de l’Institut d’Estudis Occitans e del movement regionalista « País Nòstre ». Èra tanben present Benjamin Assié, Conselhièr regional, que venguèt representar la Presidenta Caròla Delgà de la Region Centroccitània, çò que pareis curiós, se que non escandalós e mespresent per nosaus tot sabent que per de rasons bassament politicianas, aquesta trasteja per signar amb França 3 un Contracte d’Objectius e de Mejans (COM), çò que permetriá una augmentacion substanciala del temps d’antena dedicat a la lenga nòstra. Lo fach es qu’un còp de mai la cultura nòstra es presa en ostatge pel personal politic dels partits franceses. Quand disèm que nos cal imperativament renfortir los partit politics occitans regretam d’èsser pas pro ausits. La necessitat d’un combat politic autonòme es un còp de mai patenta, sus aqueste sicut coma suls autres.

            La suspresa a Tolosa foguèt que Na Rose Filippi-Paolacci, directritz de França 3 Occitània venguèt al davant dels manifèstants amb una botelha a la man. Aquela dòna es pas qual que foguèsse. Es ela que creèt en Corsega Via Stella quand èra directritz de la cadena desconcentrada França 3 en Corsega. Una antena que s’es pas encara una cadena de plen exercici, a almens plan mai d’autonomia de produccion que non pas las unitats desconcentradas de França 3 en Occitània. Aquela autonomia de foncionament e de programacion depend, plan solide, del rapòrt de força politic entre las regions ont son implantadas e la Direccion parisenca de França 3. Dins sos mendres detalhs, la cadena es balhejada dempuèi París. Tant que las estacions de França 3 seràn pas balhadas de plena competéncia a las Regions amb lo finançament que conven, serà totjorn París que decidirà de lor programacion. Cada Region deu poder dispausar d’una antena de television e una estacion de ràdiodifusion. Per aquò far basta pas que de transferir França 3 e França Blava a las Regions. A partir d’aquí las Regions poiràn menar una politica lingüistica adaptada a lor besonh. Aquel transferiment costariá pas un sòu a l’Estat. Es per volontat de contraròtle politic que refusa d’o far. Oblidessem pas que la television es un aplech d’aculturacion.

            Puslèu que de demandar « un pauc mai d’occitan cada jorn » a la television, lo Collectiu Occitan per l’Audiovisual deuriá, compte tengut del dangièr de desaparicion de nòstra lenga, èsser mai ambiciós. Devèm demandar lo transferiment cap e tot de las estacions França 3 a las Regions. Quand en Centroccitània França 3 s’apelarà pas mai França 3 Occitània, mas « Occitània Primièra », alara òc-ben se poirà enfaciar seriosament la salvagarda e la resocializacion de la lenga nòstra. Un còp mai nos cal pas crentar de demandar lo just, lo drech e la rason.

            La bona suspresa d’aqueles aperitius reivindicatius nos ven d’Auvèrnha ont la seccion regionala de l’Institut d’Estudis Occitans e l'Associacion de Coordinacion e d’Escambis Occitans del Cantal (ACEOC), cridavan a una manifèstacion davant l’ostal de França 3 Auvèrnha a Chamalièras. De notar que lo Partit de la Nacion Occitana apelava totòm a participar a totas las manifestacions programadas pertot sus l’espandi nacional occitan. I agèt a Chamalièras autant de monde a n’aqueste aperitiu reivindicatiu qu’a Tolosa o Montpelhièr. Una delegacion dels manifèstants foguèt recebuda pel Sr Marc Privat, redactor en cap de França 3 Auvèrnha. Mas subretot obtenguèt un rendètz-vos tre lo 28 de novembre de 2022 amb lo Director de França 3 Auvèrnha-Ròse-Aups qu’es lo capdal regional de la cadena. A l’ora ont escribi aquestas regas sabi pas çò que ne sortirà, mas se poiriá escometre qu’aquel director coma los autres foguèsse forçat de belar coma de costuma qu’el « a pas res contra l’occitan, mas qu’a pas lo poder de decidir ». E d’ajustar probablament « - Farai remontar a París ».

            De notar qu’a Tolosa Felip Bonnet, sòci del Partit de la Nacion Occitana fasiá partida de la delegacion que foguèt longament recebuda per Na Rose Filippi-Paolacci. Aquí tanben per s’ausir dire que los directors regionals son pas que de simples executors dependents de la volontat de la Direccion de París, ela meteissa dependenta del poder politic jacobin e lingüicista.

            Tornèm o dire, avèm besonh en Occitània d’un servici public de l’audiovisual proprietat collectiva de las Regions. Nos fa besonh, non pas de desconcentracion, mas plan de descentralizacion, d’autonomia politica dins aquel domèni coma dins plan maites. Volèm decidir al país !

                                                                                                                                      Sèrgi Viaule

***********************

Pour le transfert des antennes de France 3

aux Régions

            Après neuf mois de sécheresse nous n’allions pas nous plaindre d'un peu de pluie. Hélas ! Ce 23 novembre 2022 il plut toute la matinée sur Toulouse et le Haut-Languedoc. Des averses et des bourrasques à ne pas mettre un occitaniste dehors. Néanmoins,une poignée de ceux-ci fut assez courageuse pour défier les éléments. Il pleuvait tellement que ceux qui faisaient le pied de grue devant France 3 étaient obligés de couvrir de la main leur anisette pour que celle-ci ne se noie pas. Militer pour protéger notre identité, nécessite d'avoir le cuir épais. Assez épais pour dire que l'eau ne le traverse pas. Malgré le mauvais temps nous fûmes une trentaine de militants qui se rassemblèrent à la Cépière à Toulouse, devant le bâtiment de France 3, pour demander de l'occitan chaque jour à la télévision.

            La revendication du Collectif occitan pour l'audiovisuel est minimaliste, mais il faut bien admettre que nous partons de rien, ou de pas grand-chose, tellement le mépris des pouvoirs publics envers notre identité est grand. Il est à noter que ce même 23 novembre 2022, deux autres apéritifs revendicatifs se déroulaient, à Montpellier et à Chamalières près de Clermont d’Auvergne. Dans le bas-Languedoc se rassemblèrent des gens des calandretas, de l'Institut d'Études Occitanes et du mouvement régionaliste « País Nòstre ». Était aussi présent Benjamin Assié, Conseiller régional, qui vint représenter la Présidente Carole Delga de la Région Centrocccitanie, ce qui paraît curieux, si non scandaleux et méprisant pour nous qui savons que pour des raisons bassement politiciennes, celle-ci hésite à signer avec France 3 un Contrat d'Objectifs et de Moyens (COM), ce qui permettrait une augmentation substantielle du temps d'antenne dédié à la notre langue. Le fait est qu'une fois de plus notre culture est prise en otage par le personnel politique des partis français. Quand nous disons qu'il faut impérativement  renforcer les partis politiques occitans, nous regrettons de ne pas être assez entendus. La nécessité d'un combat politique autonome est une fois de plus patente, sur ce sujet comme sur les autres.

       La surprise à Toulouse fut que Madame Rose Filippi-Paolacci, directrice de France 3 Occitanie vint  au devant des manifestants une bouteille à la main. Cette dame n'est pas n’importe qui. C'est elle qui créa en Corse Via Stella quand elle était directrice de la chaîne déconcentrée de France 3 en Corse. Une antenne qui, si elle n’est pas encore une chaîne de plein exercice, a au moins bien plus d’autonomie de production que les unités déconcentrées de France 3 en Occitanie. Cette autonomie de fonctionnement et de programmation dépend, bien sûr, du rapport de force politique entre les régions où elles sont implantées et la Direction parisienne de France 3. Dans ses moindres détails, la chaîne est dirigée depuis Paris. Tant que les antennes de France 3 ne seront pas transférées avec pleine compétence aux Régions avec le financement qu'il convient, ce sera toujours Paris qui décidera de leur programmation. Chaque Région doit pouvoir disposer d'une antenne de télévision et une station de radiodiffusion. Pour ce faire, il ne suffit de transférer France 3 et France Bleue aux Régions. À partir de là, les Régions pourront mener une politique linguistique adaptée à leurs besoins. Ce transfert ne coûterait pas un sou à l'État. C'est par volonté de contrôle politique qu'il refuse de le faire. N’oublions pas que la télévision est un outil d'acculturation.

       Plutôt que de demander « un peu plus d'occitan chaque jour » à la télévision, le Collectif Occitan pour l'Audiovisuel devrait, compte tenu du danger de disparition de notre langue, être plus ambitieux. Nous devons demander le transfert complet des antennes de France 3 aux Régions. Quand en Centroccitanie France 3 ne s'appellera plus France 3 Occitanie, mais « Occitanie Première », alors oui on pourra envisager sérieusement la sauvegarde et la resocialisation de notre langue. Une fois de plus il ne faut pas craindre de demander ce qui est juste, légal et raisonnable.

            La bonne surprise de ces apéritifs revendicatifs nous vient de l'Auvergne où la section régionale de l'Institut d'Études Occitanes et l'Association de Coordination et des Échanges Occitans du Cantal (ACEOC), appelaient à une manifestation devant le siège de France 3 Auvergne à Chamalières. À noter que le Parti de la Nation Occitane appelait tout le monde à participer à toutes les manifestations programmées partout sur l'espace national occitan. Il y a eu à Chamalières autant de monde à cet apéritif revendicatif qu'à Toulouse ou à Montpellier. Une délégation des manifestants fut reçue par le M. Marc Privat, rédacteur en chef de France 3 Auvergne. Mais surtout, elle obtint un rendez-vous dès le 28 novembre 2022 avec le Directeur de France 3 Auvergne-Rhône-Alpes qui est le responsable régional de la chaîne. À l'heure où j’écris ces lignes, je ne sais pas ce qui en sortira, mais on peut parier que ce directeur comme les autres soit forcé de pleurnicher comme d'habitude qu'il « n'a rien contre l'occitan, mais qu'il n'a pas le pouvoir de décider ». Et d'ajouter probablement « - Je ferai remonter à Paris ».

            À noter qu'à Toulouse Felip Bonnet, membre du Parti de la Nation Occitane faisait partie de la délégation qui fut longuement reçue par Madame Rose Filippi-Paolacci. Là aussi pour s'entendre dire que les directeurs régionaux ne sont que de simples exécuteurs dépendants de la volonté de la Direction de Paris, elle-même dépendante du pouvoir politique jacobin et linguicide.

            Répétons le, nous avons besoin en Occitanie d'un service public de l'audiovisuel, propriété collective des Régions. Nous n’avons pas besoin de déconcentration, mais bien de décentralisation, d'autonomie politique dans ce domaine comme dans bien d’autres.

Nous voulons décider au pays !

         Sèrgi Viaule