Felip Delerm e Jean-Louis Guidez, "À Garonne" e "Ces illustres lot-et-garonnais"

Los parents de Felip Delerm èran originaris de Tarn-e-Garona, de Malausa mai precisament, e de familha païsana. Regents de profession, aurián degut èsser nomenats dins lo departament. Mas de pòstes n’i aviá pas pus. Alavetz, deguèron causir entre la Seine-et-Oise e Argeria. Es la Seine-et-Oise que causiguèron. Empacha pas que las vacanças, èra a Malausa que se passavan, dins l’ostal dels grands-parents mairals. Dins À Garonne l’autor evòca son enfança, quand retròba l’occitan dont qualques frasas li demòran. Descriu tot aquò amb amor e umor. Arriba al bòrd de la revendicacion quand rapòrta l’istòria de sa tanta Andrée que, alara que lo regent li reprochava de parlar la lenga, replicava : « mon pair portava d’esclòps, pòdi ben parlar ma lenga ! ». Mas va pas al delà. Bèl exemple d’alienacion etnica ! Lo libre ne demòra pas mens d’una lectura plan agradiva mas daissa per nosautres militants un rèiregost d’ocasion perduda.

https://livre.fnac.com/a1958579/Philippe-Delerm-A-Garonne

Ces illustres lot-et-garonnais  per Cristian Rapin

Los tres tòmes intítolats  Ces illustres lot-et-garonnais  (1) constituïsson un inventari non exaustiu de las personalitats de marca d’aquel departament dins los domènis divèrses de l’Istòria, de la politica, de las sciéncias, de l’esperit, dels espectacles, de las Arts e de l’entrepresa.. Cada biografia es acompanhada d’una fotò. Los illustres acompanhan de personalitats mai escuras coma lo darrièr garda comunal que a exercit tambor batent. Mai d’un occitanista figura dins aquela seleccion : Joan Glaudi Pertuzé, Andrieu Bianchi, Jacques Clouché, Marcèu Esquieu, Franc Depoutot, Jansemin,, Emmanuel Delbousquet, Corteta de Pradas etc.. Qualques 500 olt-e-garoneses de soca o d’adopcion son aquí reünits. L’autor, Jean-Louis Guidez, a pres deliberadament lo partit de parlar pas , sens los oblidar, dels illustres iperconeguts, per s’arrestar mai longament suls oblidats o quasi oblidats de l’istòria locala o departamentala.

(1)

https://www.bordulot.fr/detail-ces-illustres-lot-et-garonnais-tome-i-441.html

https://www.lalibrairie.com/livres/ces-illustres-lot-et-garonnais--connus-meconnus-inconnus-oublies-nouveaux----vol--2_0-6617376_9782352084938.html

https://www.furet.com/livres/ces-illustres-lot-et-garonnais-jean-louis-guidez-9782352085379.html