/image%2F0568858%2F20140111%2Fob_0348f4_logo-pno-jpg){kind=logo}
Comunicat de prensa
Cal condemnar l’Estat d’Israel ?
Malgrat los alèrtaments del govèrn israelian, una flotilha de naviris amb a son bòrd de centenats de militants de la causa palestiniana que portavan d’ajuda umanitària a
la populacion de Gasà a, a bèl exprèssi, forçat lo blocatge impausat per l’armada israeliana. Los ocupants dels naviris arrasonats per la marina israeliana an atacat los fusilhièrs marins
israelians qu’an degut far fòc per se defendre e, malurosament, 9 militants de la causa palestiniana son estat tuats.
Lo Partit de la Nacion Occitana deplora aquelas mòrts mas compren l’actitud del govèrn israelian expausat a l’ostilitat declarada del Hamàs
al poder a Gasà en seguida d’eleccions liuras. Lo Hamàs es un movement que reconeis pas Israel e que sa tòca demòra d’escampar los josieus a la mar. Lo govèrn israelian crentava, a bon drech
anar, que aqueles naviris portèssen tanben d’armas per commettre d’atacas contra Israel. A anonciat que l’ajuda umanitària carrejada per aqueles bateus seriá despartida a la populacion de
Gasà.
Lo Partit de la Nacion Occitana sosten pas un govèrn israelian en particular quina que siá sa color politica mas l’existéncia d’Israel dins de frontièras seguras e reconegudas a
la fin de negociacions. Encara que caldriá que los arabs de Palestina acceptèssen de negociar seriosament en abandonar la violéncia e lors posicions maximalistas irrealistas. Nos es ben fòrça de
constatar qu’es pas lo cas pel Hamàs a Gasà. Los países arabs e musulmans tanplan coma la comunautat internacionala serián melhor inspirats de quichar pas sonca sul govèrn israelian mas tanben
sus l’Autoritat palestiniana e lo Hamàs per que explòren amb lo govèrn israelian las condicions d’una patz vertadièra entre arabs e israelians que fariá de l’Orient mejan un fogal de prosperitat
economica.
Partit de la Nacion Occitana
Lo 1èr de junh de 2010
B.P 44
F - 30201 Banhòus de Cèsa
Felip Bonnet, capiscòl
F - 31440 Marinhac- (Occitània)
+33 6 81 37 81 14