47 chroniques du Lot-Et-Garonne par Jean-Michel Delmas

^{47 chroniques du Lot-Et-Garonne - L'histoire revisitée}

 ^{Jean-Michel Delmas}

^{Compte rendut de Cristian Rapin}

^{Aquestas 47 cronicas d’Òlt e Garona, paregudas dins lo jornal Sud Oest, contan 47 aventuras singularas posadas dins la memòria dels archius departamentals. Los racontes son de divèrsas categorias : amoroses amb las amors de Loïsa d’Espar de Lussan a Versalhas, funeralhas amb l’enterrament de Marcèl Prevost a Viana, campanhas militaras amb Loís de Rasan Monurt, navigacion amb los primièrs batèus de vapor remontant Garona etc.}

^{Dins una grafia aleatòria, l’autor se daissa anar a citar nòstra lenga que nomma patés. Per exemple, al moment de la fièra de las sonalhas  a Lubon. Se teniá de nuèit e los pastors escambiavan lors esquiras : « Vòls bigar ?.. La mia que tinda mei clar que la toa ! » (p. 54)}

^{Los tipes de batèus son variats : gabarras, gabarròtas, muòlas, corèus, macalòts, barcassas. Los marinièrs meritan los elògis. Fan mila trabalhs ; carpentièrs, trenaires de cordatge de cambe, retalhaires de velas, faures. Del vent, de las nívols, dels corrents de nautas o baissas aigas o sabon tot.}

^{Cal saber que l’autor es tanben productor de prunas e passionat d’istòria. D’efècte, a agut publicat Une nouvelle histoire du pruneau (2) e tanben  Je découvre les pruneaux d’Agen (3)}

⁽¹⁾ http://www.gesteditions.com/recits/romans/47-chroniques-du-lot-et-garonne-l-histoire-revisitee

^{2) https://www.bordulot.fr/detail-nouvelle-histoire-du-pruneau-d-039-agen-447.html}

^{3) http://www.gesteditions.com/je-decouvre/je-decouvre-les-pruneaux-d-agen}

http://www.gesteditions.com/recits/romans/47-chroniques-du-lot-et-garonne-l-histoire-revisitee