Overblog
Editer l'article Suivre ce blog Administration + Créer mon blog

A partir del Primièr de mai
lo tuba serà obligatòri dins las piscinas

            Vist la recrudescéncia dels cases de la covid 19 en França, lo govèrnament de França a decidit, al moment de son darrièr Conselh sanitari que se debanèt al Palais dels Aliscamps, qu’a partir del Primièr de mai d’ongan caldrà tornamai lo daissarpassar vaccinal e un tuba per s’anar banhar dins las piscinas del país. D’efièch, los mai grands epidemiologistas, virològues e clinicians se son mainats que la propagacion del virus e de sas variantas èra mai fòrta dins los bacins de natacion qu’endacòm mai. « Las piscinas son un vector d’espandiment de la pandemia », çò diguèron. « Es un fach estadistic e doncas scientific », ajustèron los saberuts.

            Lo pòrt de la masqueta de teissut o de papièr èssent impossible dins l’aiga, es adoncas lo pòrt del tuba qu’es estat retengut. « Un aplech plan mai adaptat per empachar lo virus de circular dins e a broa dels bacins d’aiga », segon los dires del quiti President de la Republica que s’exprimiguèt a la sortida del Conselh. D’un autre latz tenguèt de precisar que « se trachava plan d’emmerdar los nadaires », -segon sas pròprias paraulas-, per protegir los mèstres-nadaires.

            Alavetz, nimai per las protestacions de la Federacion Francesa de Natacion que vòl pas far competir sos campions amb un tuba sus la boca, res i faguèt pas. Tre lo primièr de mai, serèm totes tenguts de far nòstra gimnastica aqüatica amb un tuba.

            Tre aver aprés aquesta decision, lo Comitat Nacional del Partit de la Nacion Occitana s’acampèt en urgéncia per ne debatre. Sortiguèt de sas deliberacions que lo PNO porgís sens resèrva ni restriccion son sosten a la Federacion Francesa de Natacion. Considèra que sas protèstas son senadas e justificadas.

Lo tuba serà obligatòri dins las piscinas
Tag(s) : #Actualités, #Informations
Partager cet article
Repost0
Pour être informé des derniers articles, inscrivez vous :