Overblog
Editer l'article Suivre ce blog Administration + Créer mon blog

Glotofobia

Nombroses son los Estats que practican obèrtament o non la discriminacion lingüistica quand sre tracha pas de persecucion obèrta : veire Argeria, Marròc, China, Turquia e fòrça autres. La França representa un modèl que los pòbles opressors se prèissan de sègre. Los libres que denóncian aquela situacion son pas nombroses. Lo de Philippe Blanchet, professor de sociolingüistica a l’universitat Rena 2 (1) s’amerita aitan mai d’èstre citat. Lo registre de la discriminacion lingüistica es vast. De milions de personas son, de per lo mond, mespresadas o regetadas a causa de lor accent, de lor biais de parlar o de lor vocablari que correspond pas a la lenga dels dominants. Felip Blanchet apèla glotofobia aquel genre d’opression. Lo tèrme es contestable : daissa pensar que s’agís de contestar totas las lengas, las que son oficialas coma las autras dementre qu’en realitat s’agís unicament de las discriminacions subidas per las lengas minoritàrias.

La discriminacion lingüistica a atench en França un degrà quasiment paranoïac amb lo rapòrt de l’abat Grégoire sus « La necessitat e los mejans d’anientir los pateses ». La persecucion serà continuala e abotirà a la politica lingüistica de la Vena Republica francesa, cap d’òbra de duplicitat e d’opression desguisada. La difusion coercitiva del francés (d’un certan francés) coma lenga comuna servís a l’encòp a impausar una nòrma sociopolitica.

Felip Blanchet buta son rasonament fins a la condamnacion dels standards lingüistics en oblidant que lo catalan e l’ebrèu seperpetuan gràcias a eles. Consacra a quel problèma tot un capítol entítolat « Quand los dominants se vòlon far dominants en plaça dels dominants » (pagina 101). Li agrada d’oblidar que la literatura d’òc fins a Francés 1èr repausa sus una lenga a pauc prèp unificada que s’apièja sul bearnés coma sul provençal. Dona atal una caucion als poètas que cultivan – n’an lo drech – un mini dialècte absoludament respectable.

 

Cristian Rapin, decembre de 2020

 

https://www.editionstextuel.com/livre/discriminations-combattre-la-glottophobie

 

 

La discriminacion lingüistica a atench en França un degrà quasiment paranoïac
Tag(s) : #Tot en Oc, #Tribune libre
Partager cet article
Repost0
Pour être informé des derniers articles, inscrivez vous :