Occitània ven de pèrdre un de sos mai famoses istorians, Miquèl Ròcabèrt.

Amb la despartida de Miquèl Ròcabèrt,

Occitània ven de pèrdre un de sos mai famoses istorians

                  Emai s’aviá fach d’estudis de filosofia, Miquèl Ròcabèrt, probablament per amor bèl de son país, se faguèt istorian de l’epòca medievala nòstra. Totes los occitanistas e fòrces Occitans coneisson, evidentament, sas òbras màger que son « L’épopée cathare / L’epopèia catara » e « Citadelles du vertige / Ciutadèlas del vertitge », entre maites obratges tocant al catarisme e a la resisténcia dels faidits. Aqueles obratges comencèron d’espelir dins las annadas 1970. Lo país èra alara en plena presa de consciéncia nacionala, còpsec, foguèron un succès de librariá.

                  Aqueles ensages èran apevats sus de coneissenças scientificas incontestablas e verificadas. En efièch, aquò’s Miquèl Ròcabèrt que bailejèt pendent de temps los escavaments arqueologics sul puèg de Montesegur. Aquel trabalh menimós durèt pendent de decennias. Es a l’escòla d’aqueste sabent umanista que de joves estudiants benevòls, apassionats d’arqueologia e d’istòria, se formèron a l’occitanisme. Sens o dire tan clarament, Miquèl Ròcabèrt lor farà prene consciéncia de l’existéncia de la nacion occitana. Sas publicacions auràn una influéncia indenegabla sus la generacion de la nòva cançon occitana, de la nòva literatura occitana, del nòu teatre occitan, mas subretot de la nòva militança occitanista. A son biais, l’ancian jornalista vengut istorian aurà amb plan maites (e demest aquestes Francés Fontan) participat al reviscòl de la reivindicacion nacionala occitana. Aurà participat a liberar l’èime occitan. De mercé a son sens de la pedagogia e de la vulgarizacion istorica, Miquèl Ròcabèrt nos aurà tornat una part de nòstra dignitat.

                  Foguèt un òme discret, mas tras qu’eficaç. A la demanda de la mendre associacion se desplaçava dins los vilatges mai pichons d’Occitània per anar donar çò que sabiá de l’istòria del país. Emai ja annadit e fisicament aflaquit demorèt de longa intellectualament viu e regalava lo public nombrós que l’anava escotar. Cada còp que balhava una conferéncia endacòm la sala èra lèu comola fins a daissar de monde sul pas de la pòrta. En mai d’èsser un lècapergamin de tria, Miquèl Ròcabèrt sabiá s’adaptar a sos auditòris. Sas parladissas èran plan escalcidas e èra d’una granda generositat e disponibilitat. Se congostava de respondre a totas las questions que li èran pausadas.

Al Partit de la Nacion Occitana sabèm que li devèm d’aver tornat la consciéncia de sa quita identitat nacionala a de milierats e milierats d’Occitans. De lor aver mostrat çò que fins alara lo poder imperial aviá ensajat de lor amagar, valent a dire lor istòria pròpria. Presentam nòstras condoléncias atristesidas a la seu familha e a sos tanhents. La nacion occitana ven de pèrdre un de sos valents aparaires.

La redaccion del Lugarn

                  Bien qu’il ait fait des études de philosophie, Michel Roquebert, probablement en raison du bel amour pour son pays, se fit historien de notre époque médiévale. Tous les occitanistes et beaucoup d’Occitans connaissent évidemment, ses œuvres majeures que sont : « L’épopée cathare » (1) et « Citadelles du vertige » (2), parmi de nombreux ouvrage sur le catharisme et la résistance des « faidits ». Ces œuvres ont commencé à sortir dans les années 1970. Le pays était alors en pleine prise de conscience nationale, et aussitôt elles furent un succès de librairie.

                Ces essais s’appuyaient sur des connaissances scientifiques incontestables et vérifiées. En effet, c’est Michel Roquebert qui dirigea un certain temps les fouilles archéologiques sur le « pog » de Montségur. Ce travail minutieux dura des dizaines d’années. C’est à l’école de ce savant humaniste que de jeunes étudiants bénévoles, passionnés d’archéologie et d’histoire se formèrent à l’occitanisme. Sans le dire aussi clairement, Michel Roquebert leur fera prendre conscience de l’existence de la nation occitane. Ses publications auront une influence indéniable sur la génération de la nouvelle chanson occitane, de la nouvelle litérature occitane, du nouveau théâtre occitan mais surtout des nouveaux militants occitanistes.

               À sa façon, l’ancien journaliste devenu historien aura avec beaucoup d’autres (parmi lesquels François Fontan) participé à la renaissance de la revendication nationale occitane. Il aura participé à la libération de l’esprit occitan. Grâce à son sens de la pédagogie et de la vulgarisation historique, Michel Roquebert nous aura rendu une partie de notre dignité.

               Ce fut un homme discret mais très efficace. À la demande de la moindre association, il se déplaçait dans les villages les plus petits d’Occitanie pour aller offrir ce qu’il savait de l’histoire du pays. Bien qu’il fut déjà âgé et affaibli, il resta longtemps d’une grande vivacité intellectuelle et il régalait le public nombreux qui allait l’écouter. Chaque fois qu’il donnait une conférence quelque part, la salle était vite comble jusqu’à laisser des gens sur le pas de la porte. En plus d’être un excellent amateur de parchemins, Michel Roquebert savait s’adapter à son auditoire. Ses causeries étaient très pédagogiques et il était d’une grande générosité et disponibilité. Il se délectait de répondre à toutes les questions qui lui étaient posées.

                   Au Parti de la Nation Occitane, nous savons que nous lui devons d’avoir rendu la conscience de son identité même occitane à des milliers et des milliers d’Occitans. De leur avoir montré ce que jusqu’alors le pouvoir impérial avait essayé de leur cacher, à savoir leur histoire propre. Nous présentons nos condoléances attristées à sa famille et à ses proches. La nation occitane vient de perdre un de ses vaillents défenseurs.

La redaction du Lugarn

(1)

https://www.amazon.fr/L%C3%A9pop%C3%A9e-cathare-5-Michel-ROQUEBERT/dp/2262027110

(2)

https://www.amazon.fr/Citadelles-du-vertige-Michel-Roquebert/dp/2708922815