Non pas un peis d’abrial, mas plan una balena d’abrial

            Ièr vos anonciàvem lo lançament d’un novèl ebdomadari en lenga nòstra pel grop de premsa La Despacha de Tolosa. L’inquet èra un pauc gròs mas d’unes peisses d’abrial s’i faguèron agantar.

            Malurosament cal pas comptar sus la familha Bailet, segurament mai jacobina que la familha mai jacobina de París, per nos salvar. La sola causa que nos demòra de far es de sosténer e desvolopar los qualques mèdias (escriches e audiovisuals) que nos demòran e d’en primièr Lo Lugarn qu’ensaja, d’un biais militant e dempuèi mai de seissanta ans, de vos esclairar l’actualitat segon l’èime occitan.

            Alavetz, se pòt dire que la falsa informacion d’ièr èra non pas un peis d’abrial, mas plan una balena d’abrial.