Omenatge a Inès Cavalcanti          

Omenatge a Inès Cavalcanti          
 

Inès, la militanta occitanista. Una fòrta personalitat. Coma d'unos, i son de gents que laissan jamai indiferents. Inès es la montanha que trabalha. Endavant d'a pertot amb la Fiat Panda a traçar chamin per las valaias occitanas de Pimont. Plan planin, chaminar, pensar e far. Aculhir per far un Fontan tour, a Fraisse o parlar de projèctes.
Los Juecs olimpics d'ivèrn de 2006 amb las allusions a l'occitan : Se chanta fredonat a la ceremonia d'entraia, desplegants e lexics dal vocabulari de l'uvèrn en occitan vivaroalpenc li devon qualqua ren. Mas es jamai agüa soleta. L'òme e los enfants tanben per l'occitan. Un exemple de transmission familiala capitaia. E una galaxia entorn mai o mens pròcha. Lou Dalfin e d'autres. I fa ren, chal avançar.
Los noms de panèls bilengas a l'entorn dal sieu. Ousitanio vivo un temps. Lo site chambradoc pròpi fornit. Lo Prèmi Ostana. De collaboracions tanben, una emission en occitana a la tv per la RAI, que seria per difusir tanben de l'autre costat dal confinh estatal. Per malastre capitèt ren. Mas i es talament de far. Chal esperar que se digue que portèt pas tot. Senon tot risca de davalar. Penso que non. Donèt gust a Occitània. Una plaça per cadun. Dins la nòstra memòria tanben. Que cadun pòrte pèira.
Occitània viva !

Car Dario, cars amics de las Valadas

En mon nom personal e al nom del Partit de la Nacion Occitana, vos presentam, tanplan coma a tota la familha, nòstras condolenças mai sincèras. Mesuram la pèrda que representa per tota la nacion occitana la despartida de nòstra cara Ines qu'avèm plan coneguda dempuèi la naissença del PNO e l'arribada de Francés Fontan dins las Valadas Occitanas.

Son trabalh de conscientizacion dels Occitans de las Valadas e plan al delà pendent tota sa vida tròp corta es estat immens. Es un exemple per totas e totes. Lo temps escafarà pas la memòria d'aquela femna extraordinària.

Al reveire Ines. Tu t'en vas e nosautres demoram per contunhar ton òbra de tria. Entre totes o farem.

Li rendrem l'omenatge que merita dins lo Lugarn.

Joan-Pèire Alari, president onorari del P.N.O