Crématorium de Tarbes, discours de Felip Bonnet à propos de Bernard Ménétrier

Quan pensi ath Bernat, que tòrni véder era sua siloeta. Unica. Qu'èra reconeisheder a 100 mètres. Petit, menut, la cara fina. Que semblava un joquèi. Dab eth son berret tostemps pegat sus eth cap. Tostemps discrèt, briga tapatjós. Mes quan preniá era paraula, pendent ua conferéncia, per exemple, qu'èra inesgotable e que's devinava lèu era sua immensa cultura occitana, pirenenca e etnologica. En bon joquèi, quan encamava eth son chivau de batalha, qu'ei a díser eth patrimòni occitan :  arren non l'arrestava cap. Qu'èra partit lo Bernat

Un còp, que'm brembi, qu'aviá dromit a nòste, dab Matèu Fauré deth Ostau Comengés. Que hadian, un cicle de conferéncias sus eth brandon o eth halhar, qu'ei eth nom vertadèr en gascon.

Qu'aviá dromit a nòste, e a 2 o 3 oras deth matin, Bernat qu'èra encara en tren de nos parlar. Qu'èra lo Bernat.

Quan balhava ua conferéncia, si quauqu’arrés pausava ua question, qu'èra capable, com responsa, de vos hèr ua navèra conferéncia improvisada. Qu'èra ua hont de coneishenças. Qu'èra lo Bernat

Qu'ei estat responsable, o conservator ath musèu de Vielha a la Val d'Aran, e qu'a avut responsabilitats culturaus a Tarba tanben. Qu'èra estat tanben un deths pielars deth conservatòri occitan de las arts e tradicions popularas de Tolosa.

Mes, en mei deth son saber enciclopedic, qu'aviá tanben ua consciéncia politica occitana .

Bernat qu'aviá familha en vilatge de Ròcahòrt, e qu'ei dens aqueth vilatge comengés qui’encontrèc Francés Fontan qu’aviá eth son ostau de familha. Francés Fontan qu'èra un pensaire e teorician dera question occitana. F. Fontan qu'ei sustot eth pair de la Nacion Occitana, era sua idèa màger : quan existís ua lenga, qu'existís donc ua nacion. Fontan qu'a creat en 1959 eth PNO, Partit Nacionalista Occitan, vengut, mei tard, Partit dera Nacion Occitana. Bernat qu'a aderit ath PNO ara fin deras annadas 70.

Aqueth nacionalisme, n'a pas arren a véder dab eth nacionalisme d'extrèma dreta que l’actualitat non deisha pas de parlar. Non, eth nacionalisme qui presavan Bernat e Fontan, e que defeni tanben, qu'ei un nacionalisme umanista d'emancipacion, entà que la comunautat occitana o nacion occitana, posca un dia accedir aths madeishs drets que las nacions liuras deth monde. Dret a l'autodeterminacion e a la presa en carga deth son avénguer lingüistic, culturau, sociau, politic e economic.

Bernat qu'a portat aqueth ideau .

Que crediá enas suas idèas.  Qu'ei estat tanben objector de consciéncia, e que s'èra arrefugiat enas valadas occitanas d’Itàlia. Ad aquera escadença, qu'èra passat ara casa de Fontan en Itàlia, a Fraisse o Fontan demorava. Bernat tornèc en territòri « francés » après l'amnistia proclamada per Mitterrand en seguida dera sua eleccion en 1981

Que'm brembi tanben deth prumèr d'octobre de 2017. Qu'èra eth dia deth referendum sus l'independéncia de Catalonha. Madrid que voliá empachar aquera votacion democratica per toti los mejans, dont era fòrça. Dab amics, qu’aviam pres posicion en escòla mairau de Les ena Val d'Aran reconvertida en burèu de vòte improvisat. Que caliá hèr blòc entà dissuadir un eventuau assaut, coma s’ei passat a Barcelona.

Bernat qu'èra aquí entà emparar l’expression dera democracia. Qu'èra lo Bernat.

Bernat que se n'ei anat.

 Qu'ei partit com a viscut : dab discrecion.

Quan pujarà ath Cèu, que soi segur qu'amont naut, an pas acabat d'enténer parlar de Gasconha e d'Occitània.

Bona continuacion Bernat.

Que vos demandi d'aplaudir. Non pas tà jo, mes tà Bernat. Entà tot çò que èra e tot çò que nos a portat.

Qu'èra lo Bernat. Eth nòste Bernat.

Felip Bonnet

Quand je pense à Bernat, je revoie sa silhouette. Unique. Il était reconnaissable à 100 mètres. Petit, menu, le visage émacié. On aurait dit un jockey. Avec son béret toujours rivé sur la tête. Toujours discret, pas du tout bruyant. Mais lorsqu’il prenait la parole, au cours d’une conférence, par exemple, il était intarissable et on devinait vite son immense culture occitane, pyrénéenne, ethnologique. En bon jockey, quand il enfourchait son cheval de bataille, c’est-à-dire le patrimoine occitan : plus rien ne l’arrêtait. Il était parti le Bernat

Une fois, je me souviens, il avait dormi chez moi, avec Mathieu Fauré de l’Ostau Comengés. Ils faisaient, un cycle de conférences sur le brandon ou le halhar, c’est le vrai nom en gascon.

Il avait dormi chez moi, et à 2 ou 3 heures du matin, Bernat était encore en train de nous parler. C’était le Bernat.

Quand il donnait une conférence, si vous lui posiez une question, il était capable, en guise de réponse, de vous faire une nouvelle conférence improvisée. Il était une mine de connaissances. C’était le Bernat

Il a été responsable, ou conservateur au musée de Vielha au Val d’Aran, et a eu des responsabilités culturelles à Tarbes aussi. Il avait été aussi un des piliers du conservatoire occitan des arts et traditions populaires de Toulouse.

Mais en plus de son savoir encyclopédique, il avait aussi une conscience politique occitane.

Bernat avait de la famille dans le village de Roquefort, et c’est dans ce village commingeois qu’il a rencontré François Fontan qui y avait sa maison de famille. François Fontan était un penseur et théoricien de la question occitane. F Fontan est notamment le père de la Nation Occitane, son idée maîtresse : quand il existe une langue, il existe donc une nation. Fontan a créé en 1959 le PNO, Parti Nationaliste Occitan, devenu, plus tard, Parti de la Nation Occitane. Bernat a adhéré au PNO à la fin des années 70.

Ce nationalisme-là, n’a rien à voir avec le nationalisme d’extrême droite qui fait actuellement la une de l’actualité. Non, le nationalisme que prisaient Bernat et Fontan, et que je défends aussi, est un nationalisme humaniste d’émancipation, afin que la communauté occitane ou nation occitane, puisse un jour accéder aux mêmes droits que les nations libres du monde. Droit à l’autodétermination et à la prise en charge de son avenir linguistique, culturel, social, politique et économique.

Bernat a porté cet idéal.

Il croyait en ses idées, il a été aussi objecteur de conscience, et s’était réfugié dans les vallées occitanes d’Italie. A cette occasion, il était passé à la maison de Fontan en Italie, à Fraisse ou Fontan vivait. Bernat est revenu en territoire « français » après l’amnistie proclamée par Mitterrand suite à son élection en 1981.

Je me souviens du premier octobre 2017. C’était le jour du référendum sur l’indépendance de la Catalogne.  Madrid voulait empêcher ce vote démocratique par tous les moyens, y compris la force. Avec des amis, on avait pris position dans l’école maternelle de Les au Val d’Aran reconvertie en bureau de vote improvisé. Il fallait faire bloc pour dissuader un éventuel assaut, comme ça s’est produit à Barcelone.

Bernat était là pour défendre l’expression de la démocratie.  C’était le Bernat.

Bernat n’est plus. Il est parti comme il a vécu : avec discrétion.

Quand il montera au Ciel, je suis sûr que là-haut, ils n’ont pas fini d’entendre parler de la Gascogne et de l’Occitanie.

Bonne continuation Bernat.

Je vous demande d’applaudir. Non pas moi, mais Bernat. Pour tout ce qu’il était et tout ce qu’il nous a apporté.

C’était lo Bernat. Notre Bernat.

Felip Bonnet