Claudi Assemat moriguèt lo 15 d’abrial de 2025

Partit de la Nacion Occitana

Comunicat de premsa del 21 d’abrial de 2025

            Claudi Assemat nasquèt en 1936 a Masamet, sus l’ubac de Montanha Negra. Emai se s’expatrièt d’ora per de rasons professionalas, demorèt de longa estacat a sa tèrra natala. Tant e plan qu’emai perdut dins las nèblas francimandas, arrestèt pas jamai de parlar, d’escriure e d’ensenhar la lenga nòstra, la lenga seuna. De jove, çò que lo marquèt psicologicament e d’un biais definitiu foguèt sos tretze meses de guèrra en Argeria coma apelat. Poguèt pas, a n’aquel moment, far pas lo parallèl entre colonialisme francés d’otramar e colonialisme francés d’otraleire. Un colonialisme que denoncièt, entre maites endreches e escasenças, dins una brocadura de 60 paginas titolada « France, pays de guerres ».

            Claudi Assemat foguèt inspector de l’Educacion Nacionala en region parisenca. I faguèt sa carrièra. Occitanista, creèt lo Centre Regional per l’Ensenhament de l’Occitan (CREO) d’Isla de França, o CREO de la Talvera. Malurosament semblariá qu’aquela associacion militanta d’ensenhaires occitans se siá pauc a cha pauc escantida. A un moment donat aviá capitat a far dobrir de corses de lenga occitana dins qualques collègis e licèus dins la Region parisenca, çò que representava un espet, compte tengut de la proximitat geografica del centre decisional de l’Educacion Nacionala.

            L’òme comptèt pas jamai son temps per aparar l’identitat occitana. Demest, e quitament en mai, de sas activitats militantas agèt léser de crear una òbra literària de bona tenguda. Anam pas aquí enumerar totas sas publicacions, mas ne destriar qualques unas coma : La Mòrt causida (Vent Terral, 1983), Dins aquel temps (IEO, 2000), Auda (IEO Atots N° 163) o mai recentament Belugas d'endacòm mai (IEO de Tarn). Totes aqueles obratges se pòdon encara legir amb interés.

            Malgrat son engatjament per l’identitat occitana, Claudi Assemat sapièt pas jamai tirar las consequéncias de las politicas imperialistas dels partits franceses. Sapièt pas, nimai, rompre amb aqueles partits. Coma plan maites demorèt dins lo formatatge franco-francés. Gausèt pas jamai far lo pas del nacionalisme occitan.

            Claudi Assemat moriguèt lo 15 d’abrial. Trabalhèt fins al seu darrièr badal. Encara dètz jorns abans sa despartida, alara qu’èra plan malaut, escriviá a un sòci de la redaccion del Lugarn. Lo Partit de la Nacion Occitana adreiça a sos enfants e a la seu familha sas condoléncias mai atristesidas. Un valent se n’es anat, mas per tant valent que foguèsse estat Claudi Assemat, nos demòra encara de trabalh sul talh. Lo complirem en pensant a n’el.

++++++++++++++++++++

Parti de la Nation Occitane

Communiqué de presse du 21 avril 2025

Avec Claudi Assemat, l'occitanisme vient de perdre un de ses vaillants défenseurs

            Claudi Assemat est né en 1936 à Mazamet, sur le versant nord de la Montagne Noire. Bien qu’expatrié tôt pour des raisons professionnelles, il resta toujours attaché à sa terre natale. Si bien que même perdu dans les brumes françaises, il ne cessa jamais de parler, d'écrire et d'enseigner notre langue, sa langue. Jeune, ce qui le marqua psychologiquement et d'une façon définitive fut ses treize mois de guerre en Algérie comme appelé. Il ne put pas, à ce moment-là, ne pas faire le parallèle entre colonialisme français d'outre-mer et colonialisme français d'outre-Loire. Un colonialisme qu'il dénonça, en de nombreux endroits et de nombreuses occasions, dans une brochure de 60 pages intitulée « France, pays de guerres ».

            Claudi Assemat fut inspecteur de l'Éducation Nationale en région parisienne. Il y fit sa carrière. Occitaniste, il créa le Centre Régional pour l'Enseignement de l'Occitan (CREO) d'Île-de-France, ou CREO de la Talvera. Malheureusement il semblerait que cette association militante d'enseignants occitans se soit peu à peu éteinte. À un moment donné, il avait réussi à faire ouvrir des cours de langue occitane dans quelques collèges et lycées dans la Région parisienne, ce qui représentait un exploit, compte tenu de la proximité géographique du centre décisionnel de l'Éducation Nationale.

            Notre homme ne compta jamais son temps pour protéger l'identité occitane. Parmi, et même en plus, de ses activités militantes, il eut loisir de créer une œuvre littéraire de bonne tenue. Nous n'allons pas là énumérer toutes ses publications, mais en distinguer quelques-unes comme : La Mòrt causida (Vent Terral, 1983), Dins aquel temps (IEO, 2000), Auda (IEO Atots N° 163) ou plus récemment Belugas d’endacòm mai (IEO du Tarn). Tous ces ouvrages peuvent encore se lire avec intérêt.

            Malgré son engagement pour l'identité occitane, Claudi Assemat n’a jamais su tirer les conséquences des politiques impérialistes des partis français. Ni n’a jamais su rompre avec ces partis. Comme bien d’autres, il resta dans le formatage franco-français. Il n'osa jamais franchir le pas du nationalisme occitan.

            Claudi Assemat est mort le 15 avril. Il travailla jusqu'à son dernier soupir. Encore dix jours avant sa disparition, alors qu'il était très malade, il écrivait à un membre de la rédaction du Lugarn. Le Parti de la Nation Occitane adresse à ses enfants et à sa famille ses condoléances attristées. Un vaillant s'en est allé, mais pour si vaillant qu’ait été Claudi Assemat, il nous reste encore du pain sur la planche. Nous accomplirons notre tâche en pensant à lui.