Construccion de l’autorota A 69

23 Avril 2024

Construccion de l’autorota A 69 :

un ecologista agarrís violentament un agricultor

Per far vàler son punt de vista en democracia, totes los mejans serián bons, emai los mai violents ? Es çò que pensa un ecologista que vòl pas ausir parlar de l’autorota A 69 que deu desenclavar lo Sud-Albigés cap a la metropòli tolosana. Albigés, es un còp mai victima del fanatisme ecologic. Cal creire que lo parçan es maldich, que totes los ecologistas abramats e desobrats tenon aquel terrador occitan dins lo nas. Aprèp l’ocupacion illegala e salvatja de Sivens (2014-2016) e lo forabandiment de sa bòria pels zadistas d’una dòna de mai de uiètanta ans aprèp que li ajan copat l’electricitat e panat sos mòbles, ara los ecologistas se’n prenon fisicament als païsans que participan a la construccion de l’autorota A 69. Entretenon de longa una tension permanenta contra totes los que son pas d’acòrdi amb eles. Las intimidacions se comptan per desenats.

Lo darrièr eveniment violent foguèt comes lo 14 de març sus la comuna de Cuc Tolzan. Cap a nòu oras e mièja, un agricultor vivent a Algans, una comuna vesina de Cuc Tolzan, foguèt grèvament agarrit per un opausant a l’autorota. Remesi Pinèl, es son nom, per se ganhar las trempas en defòra de son trabalh de païsan, obrava per compte d’ATOSCA qu’es lo concessionari de l’autorota. Es a n’aquel moment que foguèt salvatjament atacat per un ecologista desfavorablament conegut dels servicis de polícia, en particular per otratge e violéncia contra los agents de las fòrças publicas.

Alara qu’èra a balajar la rota departamentala 44 amb sa balajaira mecanica l’agressor li venguèt balhar un grand còp de cap al nivèl del front. Victima d’una comocion cerebrala, lo trabalhaire s’estavaniguèt còpsec. Es estat portat pels pompièrs a las urgéncias de l’espital de La Vaur. Los medecins li prescriguèron una setmana d’arrèst de trabalh. Regularament l’agressor fa mina de se ronçar amb sa veitura suls balajaires. Aquel secutament dels trabalhaires de las òbras publicas es permanent dempuèi la dobertura de l’obrador. D’unes ecologistas s’acontentan pas totjorn de delargar un capelet d’insoléncias cap als obrièrs. A còps se’n tenon pas sonque a las intimidacions. Passan a l’acte. Per exemple lo 22 d’octobre de 2023 quand un contramèstre d’obrador recebèt un carpan en plena cara. Cal creire que los ecologistas, o los que se pretendon coma tals, se’n prenon mai aisidament als trabalhaires que non pas a las fòrças de l’òrdre. Sabiam qu’aquel monde respectan gaire las decisions presas democraticament, mas de s’en prene a de monde que trabalhan per ganhar lor vida es la pièger de las ignominias.

Urosament que la premsa locala, e mai que mai lo setmanari « Le journal d’ici » s’es fach lo resson d’aquela agression inqualificabla, se que non jamai seriá pas estada coneguda. Plan solide, la victima a fach una denóncia al prèp de la justícia. Mas quina seguida serà balhada a n’aquel planh ? Es encara tròp lèu per o dire, mas esperam que justícia serà renduda a Remesi Pinèl. Se per malastre sancion i aviá pas, seriá per los sembla-ecologistas la pòrta dobèrta a totas las exaccions e malafachas. Seriá lor balhar carta blanca per contunhar a delargar lor agressivitat.

En Albigés las onestas gents n’an pro de patir del fanatisme dels que se prenon pels « salvaires de la tèrra » mas que l’an pas jamai trabalhada. Pel desvolopament del parçan se pòt pas mai, d’ara enlà, entreprene lo mendre obratge sens que còp sec una ardada d’escaufats vengan ocupar lo país en volent impausar als estatjants lor vision estrecha del monde.

Tornem rebrembar qu’aquel projècte d’autorota a fach l'objècte de dos debats publics qu'an permés a de milièrs de personas de depausar lors contribucions. Mai de 500 reünions publicas son estadas programadas. An permés l'expression de cadun sul subjècte, e es urós qu’en democracia cadun a lo drech legitim d'exprimir son opinion sus un projècte de realizacion qual que siá. De tot aquò la resulta es una esclafadoira majoritat al benefici del projècte e a abotit a una Declaracion d'Utilitat Publica en 2018. Aquela DUP es estada contestada davant los tribunals e totes los recorses depausats son estats perduts.

D'un autre costat son favorables al desenclavament del sud de Tarn totes los cònsols màgers de las dètz mai grandas comunas del departament, totes los conselhièrs departamentals concernits pel traçat de l'autorota sens excepcion, 100% dels conselhièrs regionals concernits pel traçat de l'A69, mas egalament totes los elegits parlamentaris concernits per l'autorota. Mai de 900 elegits albigeses an signat al benefici d'aquela infrastructura, siá l'immensa majoritat dels elegits sollicitats. S'ajusta a aquò 550 entrepresas, pichonas e grandas, del sud del departament que reclaman, amb la Cambra de Comèrci e d'Industria, dempuèi de decennias la construccion d'aquela autorota.

Que mai per far ausir l’expression democratica del pòble ? Pro de las agressions fisicas contra los trabalhaires ! Volèm en tota seguretat viure e trabalhar al país !

Construction de l'autoroute A 69 :

un écologiste agresse violemment un agriculteur

Pour faire valoir son point de vue en démocratie, tous les moyens seraient-ils bons, même les plus violents ? C'est ce que pense un écologiste qui ne veut pas entendre parler de l'autoroute A 69 qui doit désenclaver le Sud-Albigeois vers la métropole toulousaine. L’Albigeois, est une fois de plus victime du fanatisme écologique. Il faut croire que la zone est maudite, que tous les écologistes passionnés et désœuvrés ont ce terroir occitan dans le nez. Après l'occupation illégale et sauvage de Sivens (2014-2016) et l’expulsion de sa ferme par les zadistes d'une dame de plus de 80 ans après qu'ils lui aient coupé l'électricité et volé ses meubles, maintenant les écologistes s'en prennent physiquement aux paysans qui participent à la construction de l'autoroute A 69. Ils entretiennent une tension permanente contre tous ceux qui ne sont pas d'accord avec eux. Les intimidations se comptent pour dizaines.

Le dernier acte violent a été commis le 14 mars sur la commune de Cuq-Toulza. Vers neuf heures et demie, un agriculteur vivant à Algans, une commune voisine de Cuq-Toulza, a été gravement agressé par un opposant à l'autoroute. Rémy Pinel, c’est son nom, pour gagner sa croûte en dehors de son travail de paysan, travaillait pour le compte d'ATOSCA, le concessionnaire de l'autoroute. C’est à ce moment là qu’il fut sauvagement agressé par un écologiste défavorablement connu des services de police, en particulier pour outrage et violence contre les agents de la force publique.

Alors qu'il était en train de balayer la route départementale 44 avec sa balayeuse mécanique l'agresseur vint lui donner un grand coup de tête au niveau du front. Victime d'une commotion cérébrale, le travailleur perdit aussitôt connaissance. Il fut transporté par les pompiers aux urgences de l'hôpital de Lavaur. Les médecins lui prescrivirent une semaine d'arrêt de travail. Régulièrement l'agresseur fait mine de foncer avec sa voiture sur les balayeurs. Ce harcèlement des ouvriers des travaux publics est permanent depuis l'ouverture du chantier. Certains écologistes ne se contentent pas toujours de déverser un chapelet d'injures en direction des ouvriers. Parfois ils ne s'en tiennent pas seulement aux intimidations. Ils passent à l'acte. Par exemple, le 22 octobre 2023 quand un contremaître de chantier reçut une gifle en plein visage. À croire que les écologistes, ou ceux qui se prétendent comme tels, s'en prennent plus facilement aux travailleurs qu'aux forces de l'ordre. Nous savions que ces gens là ne respectent guère les décisions prises démocratiquement, mais s'en prendre à des gens qui travaillent pour gagner leur vie est la pire des ignominies.

Heureusement que la presse locale, et surtout l'hebdomadaire « Le journal d'ici » se sont fait l'écho de cette agression inqualifiable, si non jamais elle n'aurait été connue. Bien sûr, la victime a porté plainte en justice. Mais quelle suite sera donnée à cette plainte ? Il est encore trop tôt pour le dire, mais nous attendons que justice soit rendue à Rémy Pinel. Si par malheur il n'y avait pas de sanction, ce serait pour les pseudo-écologistes la porte ouverte à toutes les exactions et tous les méfaits. Ce serait leur donner carte blanche pour continuer à donner libre cours à leur agressivité.

En Albigeois les honnêtes gents en ont assez de subir le fanatisme de ceux qui se prennent pour les « sauveurs de la terre » mais qui ne l'ont jamais travaillée. Pour le développement du secteur, on ne peut plus, dorénavant, entreprendre le moindre ouvrage sans que tout de suite une meute d'excités viennent occuper le pays en voulant imposer aux habitants leur vision étroite du monde.

Rappelons-nous que ce projet d'autoroute a fait l'objet de deux débats publics qui ont permis à des milliers de personnes de déposer leurs contributions. Plus de 500 réunions publiques ont été programmées. Elles ont permis l'expression de chacun sur le sujet, et c'est heureux qu'en démocratie chacun ait le droit légitime d'exprimer son opinion sur un projet de réalisation quelconque. De tout cela est ressorti une écrasante majorité en faveur du projet et cela a abouti à une Déclaration d'Utilité Publique en 2018. Cette DUP a été contestée devant les tribunaux et tous les recours déposés ont été rejetés.

D'autre part, sont favorables au désenclavement du sud du Tarn tous les maires des dix plus grandes communes du département, tous les conseillers départementaux concernés par le tracé de l'autoroute sans exception, 100% des conseillers régionaux concernés par le tracé de l'A69, mais également tous les élus parlementaires concernés par l'autoroute. Plus de 900 élus albigeois ont signé en faveur de cette infrastructure, soit l'immense majorité des élus sollicités. S'ajoute à cela 550 entreprises, petites et grandes, du sud du département qui réclament, avec la Chambre de Commerce et d’Industrie, depuis des décennies la construction de cette autoroute.

Que faut-il de plus pour faire entendre l'expression démocratique du peuple ? Assez d’agressions physiques contre les travailleurs ! Nous voulons en toute sécurité vivre et travailler au pays !

Sèrgi Viaule