La Passem 2026 amb lo P.N.O.

Ongan, pel primièr còp, la corsa de relais La Passem traversava practlcament tota la Gasconha. Partissiá de Bedos en Bearn e arribava a Anglet,  siá 2109 kilomètres e passava en Òut e Garona. Vaqul ço que se disiá suls rasals coma facebook.

Quand vesi aquò me disi que cal que lo PNO i participe. Cerqul las infos sul sit de La Passem, es plan fait e vesi lo percors en Òut e Garona. Preni contact amb una organizatritz que me conselha de contactar Dani Dauba, la referenta dins nòstra tombada. Voliái crompar 1 kilomètre ben plaçat. Es a dire dins un vilatge e de jorn, pas al mièi del pinhadar Olt e garonés e pas de nuèit pr’amor lo pauc de visibilitat. Amb l'ajuda de Dani Dauba convenèm que serà a Cocumont a 6 oras del vèspre. lmpeccable. Lo prètz del kilomètre es de 100 euros. Serà lo kilomètre 1402 e i a pas cap de problema qu’aquel kllomètre siá erompat al nom del P.N.O. La moneda collectada servirà a ajudar financièrament tot çò que tòca a l'occitan. A cada kilomètre crompat i a un relais ; cal prene lo ligam que nos transmet lo portaire... Per aqueste kilomètre crompat sera jo lo correire que portarà lo ligam amb lo drapèu del P.N.O.

Malastrosament, una setmana abans la corsa me nafri dins un accident de trabalh. Amb la desbartassaira me planti prigondament una ferralha dins l'os calcaneum del pè. Vau pas poder córrer. Me cal trobar un remplaçant. Urosament, ma filha Severína que trabalha pas d'aquesta passa es d'acòrdi per me remplaçar e participar a La Passem. Tomba plan, es ja aderenta del P.N.O. e motivada per aquò.

Lo jorn de la corsa, Felip Ressigeac ven a l'ostal e totes tres nos encaminam cap a Cocumont qu’es a 1 ora de rota. I arribam en avança, e avèm lo temps de parlar amb d'autras persones que coneissèm que venon pel passatje de la corsa. Lo grop Gric de Prat èra aqui tanben sus la plaça de la comuna per d'animacions. I aviá un detzenat de personas qu'atendian e bevián una gota de vin ofèrt per la cava de Cocumont. Lor ai distribuit qualques tracts de nòstre partit. Un detzenat de minutas abans la corsa, una femna ven nos portar la camiseta numèro 1402 que portarà la que vai córrer puèi nos pòrta en veitura a aquel endret qu'es materializat per una pancarta ont i a lo nom del que cor e lo numèro del kilomètre 1402. Çò que sabiam pas es que pòt i aver mai d'un crompaire pel meteis kilomètre e donc nos retrobam amb la calandreta de Brageirac e dus representants de la federacion de calandretas d'Aquitània. Finalament es ben atal. Sèm mai nombroses. A pena èrem en plaça, arriba una forgoneta que vend de causas de La Passem, casquetas, vèstas e d'autres afars. Aquò sembla un pauc la caravana del torn de França. Severina es en plaça, un pauc tenduda, a pas trop d’entrainament. Cor pas jamai de costuma mas a 30 ans ça que la. Urosament sèm a la sortida del vilatge e aquò davala. Rapidament òm entend un naut-parlaire que passa de musica e de monde cridan  a un centenat de mètres amont. Viste viste arribam, lo ligam es rapidament dins la man d'un calandron de Brageirac e tota aquela cotria se met a córrer, Severina al mièi. Amb Felip assajam de los seguir mas es pas possible, i arribam pas. Dins lo bolegadis general, ai quitament pas lo temps de far una video de la partença de la corsa ! La rota ont corrèm es dreta e davala ben duscas al relais seguent. Es Severina la darrièra portaira e es ela que transmet lo ligam a Joan- Luc Armand lo conse de Cocumont.

Finalament la corsa de Severina s’es plan passada mas nos diguèt que n'aviá pro e que los pichons corrián mai viste qu’ela e que vesià lo moment ont anava s'amorrar talament la còsta davalava. Los nòstres drapèus èran visibles.

Conclusion

Lo P.N.O. podià pas far mens que participar a aquela corsa e i sèm arribats. Severina èra fièra d'i aver participat e ai vlst qu'era lo cas de tot lo monde. Ai vist plan de videos de la corsa e l'ai quitament seguida mai d'un còp en directe. L'arribada a Anglet era formidable. I aviá un fum de monde e plan de joines.. Ai remarcat mai d'un còp de drapèus amb l'estela mas es vrai que los drapèus bearneses amb las vacas èran omnipresents e tanben lo de Gasconha. Lo sol regret es qu'avèm participat sonque en Òut e Garona. Nos auriá calgut èstre capables de participar almens un còp dlns cada departament. Sabi pas dlns dus ans qual serà lo circuit mas lo tornan doblar cada còp. Òm pòt esperar que traversarà Occitània tota e que lo P.N.O. i serà present en fòrça.

Per ne saber mai : https://lapassem.com/