Lo recampament popular de l’Alderdi Eguna se debanèt a Foronda dins la banlèga de Gasteiz

            Sus convidacion del Partit Nacionalista Basc (Eusko Alderdi Jeltzalea segon lo nom original), una delegacion del Partit de la Nacion Occitana, compausada de Joan-Luc Granet (clavaire del partit) e Sèrgi Viaule (membre del Comitat Nacional), participèt los 23 e 24 de setembre de 2023 a l’Alderdi Eguna, qu’es la fèsta annadièra de lor organizacion.

            Tre lo dissabte de matin 23 de setembre la delegacion del PNO participèt a un acamp de trabalh a Donibane ( Sant Joan de Lutz). Amb la seccion iparraldesa del PNB-EAJ èran recampadas fòrças delegacions dels partits dels pòbles oprimits per l'Estat francés. Foguèt l’escasença pels representants del PNO de far longament lo punt sus la situacion politica en Occitània. Cada delegacion expausant lo contèxte dins lo qual se debana lor combat d’emancipacion nacionala.

            Puèi, las organizacions presentas redigiguèron collectivament e signèron una declaracion politica comuna tocant a la transicion energetica. Remembrant la necessitat d’un modèl de produccion d’energia renovelabla decentralizat, las organizacions presentas insistisson atal sul fach que non i pòt pas aver d’autonomia politica sens autonomia energetica. La guèrra de Russia contra Ucraïna ne portèt la pròva darrièrament. Aquela « Declaracion comuna de Dolibane 2023 » es estada condreitament e largament difusida alprèp de la premsa internacionala (https://lo-lugarn-pno.over-blog.org/2023/09/alderdi-eguna-declaration-de-donibane-du-23/09/2023.html)

            Lo dissabte al ser las delegacions foguèron recebudas a Bilbo, al sèti nacional del Partit Nacionalista Basc / Eusko Alderdi Jeltzalea per una presentacion del partit e una recepcion oficiala. A n’aquela serada d’unes partits nacionals en lucha del monde entièr èran presents.

            Coma cada an, lo recampament popular de l’Alderdi Eguna se debanèt a Foronda dins la banlèga de Gasteiz, la capitala de la Comunitat autonòma del País Basc. Foguèt l’escasença d’una entrevista informala entre l’actual Lehendakari (president del govèrn basc) Iñigo Urkullu e Joan-Luc Granet que li expausèt brèvament la situacion politica en Occitània e li exprimiguèt la solidaritat del PNO envèrs lo pòble basc.

            50000 personas èran presentas a n’aquesta fèsta populara per sosténer las valors del nacionalisme basc. La primièra presa de paraula foguèt la del President del govèrn. Puslèu que de téner un discors tocant a las institucions, ongan, lo lehendakari apevèt sa dicha sus las questions socialas. Remembrèt que sus mantunes punts socials la comunitat autonòma del País Basc èra en retard sus las mejanas europèas. Son discors demorèt dins la linhada de las opcions defendudas pels partits de la democracia crestiana, çò qu’es l’orientacion del PNB-EAJ dempuèi sa creacion en 1895.

            Lo President del partit, Andoni Ortuzar pugèt puèi a la tribuna per afortir el tanben que non i pòt aver de libertat nacionala sens justícia sociala. Mai d’un còp cridèt a las libertats democraticas e a la justícia per totes los Basques. Insistiguèt per afortir que lo progrés del país se fariá pas en daissant de caire un part de la populacion. Al contrari, presiguèt longament, en lenga basca e espanhòla, per la participacion de totes a la construccion solida e solidària de la societat basca. Aqueles objectius pòdon èsser capitats pas que per un partit que demòra en defòra de las crispacions ideologicas. En substància daissèt entendre que son pas las ideologias que permeton de metre de pan sus la taula, mas plan lo trabalh de cadun. Enfin, lo President del partit acabèt son discors en diguent que, nimai per de rasons politicas e encara mens politicianas intèrnas a Espanha, degun, al pus jamai degun, ièr, uèi o deman dictariá pas sa politica al PNB-EAJ.

            La fèsta s’acabèt dins l’espectaclosa convivialitat pròpria a la nacion basca. Visca la nacion basca liura !

********************************

Une délégation du PNO présente à la Fête du Parti Nationaliste Basque (l'Alderdi Eguna)

de 2023

            Sur invitation du Parti Nationaliste Basque (Eusko Alderdi Jeltzalea selon le nom original), une délégation du Parti de la Nation Occitane, composée de Joan-Luc Granet (trésorier du parti) et Sèrgi Viaule (membre du Comité National), a participé les 23 et 24 septembre 2023 à l'Alderdi Eguna, qui est la fête annuelle de leur organisation.

            Dès le samedi matin 23 septembre la délégation du PNO a participé à une réunion de travail à Donibane ( Saint Jean de Luz). Avec la section iparralde (Nord) du PNB-EAJ étaient rassemblées de nombreuses délégations des partis des peuples opprimés par l'État français. Ce fut l'occasion pour les représentants du PNO de faire longuement le point sur la situation politique en Occitanie. Chaque délégation exposant le contexte dans lequel se déroule leur combat d'émancipation nationale.

            Puis, les organisations présentes rédigèrent collectivement et signèrent une déclaration politique commune concernant la transition énergétique. Rappelant la nécessité d'un modèle de production d'énergie renouvelable décentralisé, les organisations présentes insistent ainsi sur le fait qu'il ne peut pas y avoir d'autonomie politique sans autonomie énergétique. La guerre de la Russie contre l'Ukraine en a apporté la preuve dernièrement. Cette « Déclaration commune de Dolibane 2023 » a été, comme il se doit, largement diffusée auprès de la presse internationale (https://lo-lugarn-pno.over-blog.org/2023/09/alderdi-eguna-declaration-de-donibane-du-23/09/2023.html )

            Le samedi soir les délégations ont été reçues à Bilbao, au siège national du Parti Nationaliste Basque / Eusko Alderdi Jeltzalea pour une présentation du parti et une réception officielle. À cette soirée certains partis nationaux en lutte du monde entier étaient présents.

            Comme chaque année, le rassemblement populaire de l'Alderdi Eguna s’est déroulé à Foronda dans la banlieue de Gasteiz, la capitale de la Communauté autonome du Pays Basque. Ce fut l'occasion d'un entretien informel entre l'actuel Lehendakari (président du gouvernement basque) Iñigo Urkullu et Joan-Luc Granet qui lui exposa brièvement la situation politique en Occitanie et lui exprima la solidarité du PNO envers le peuple basque.

            50000 personnes étaient présentes à cette fête populaire pour soutenir les valeurs du nationalisme basque. La première prise de parole fut celle du Président du gouvernement. Plutôt que de tenir un discours concernant les institutions, cette année, le Lehendakari a mis l’accent dans son discours sur les questions sociales. Il a rappelé que sur plusieurs points sociaux la communauté autonome du Pays Basque était en retard par rapport aux moyennes européennes. Son discours est resté dans la ligne des options défendues par les partis de la démocratie chrétienne, ce qui est l'orientation du PNB-EAJ depuis sa création en 1895.

Le Président du parti, Andoni Ortuzar est ensuite monté à la tribune pour affirmer lui aussi qu'il ne peut y avoir de liberté nationale sans justice sociale. Plus d'une fois, il a appelé aux libertés démocratiques et à la justice pour tous les Basques. Il a insisté pour affirmer que le progrès du pays ne se ferait pas en laissant de côté une partie de la population. Au contraire, il a prôné longuement, en langue basque et espagnole, la participation de tous à la construction solide et solidaire de la société basque. Ces objectifs ne peuvent être atteints que par un parti qui demeure en dehors des crispations idéologiques. En substance, il a laissé entendre que ce ne sont pas les idéologies qui permettent de mettre du pain sur la table, mais bien le travail de chacun. Enfin, le Président du parti a fini son discours en disant que, ni pour des raisons politiques et encore moins politiciennes internes à l'Espagne, personne, plus jamais personne, hier, aujourd'hui ou demain ne dicterait sa politique au PNB-EAJ.

            La fête s’est achevée dans la spectaculaire convivialité propre à la nation basque. Vive la nation basque libre !