Yvan Colonna auriá blasfemat en disent qu’escupissiá sus dieu

            En Euròpa e dins lo monde l’islam contunha d’assasinar e d’assassinar ont que siá, quitament aquí ont es lo mai improbable, valent a dire en preson. Sus la planeta d’ara enlà un uman sus cinc es de confession musulmana e doncas potencialament fanatic. Notèm qu’al jorn d’uèi la sola religion al nom de la quala s’assassina, es la religion musulmana. Aquò’s vertat vertadièra e val d’èsser remembrat. La consequéncia d’aquò es que degun es pas mai en seguretat ont que se pòsca trobar. Aquela realitat, que gaireben se’n parla pas o plan pauc, fa freg dins l’esquina. Se’n parla pas per çò que lo monde an paur e quand an paur, automaticament, conscientament o pas, s’autocensuran. Se cal pas far d’illusions, entre maitas causas es la paur que fa lo « politicament corrècte » ; en Occitània coma endacòm mai.

Yvan Colonna, lo militant nacionalista còrse, es estat assassinat per suspresa lo 2 de març darrièr d’un biais salvatge per un fanatic musulman alara qu’èra dins la sala de musculacion de la preson d’Arle que a far sos exercicis fisics. Yvan Colonna èra un òme coratjós que disiá çò que pensava e qu’agissiá en consequéncia. Sa vida es aquí per o provar. Malgrat foguèsse en preson per rasons politicas, lo nacionalista còrse èra un òme liure. Aviá lo drech d’exprimir son ateïsme coma daissava als autres lor drech d’exprimir lor religiositat. Dins una societat de paratge, es atal que lo monde devon viure : en convivéncia. Cal que cadun accepte de viure a costat de lo que despartís pas forçadament sas idèas, sens lo secutar, l’agarrir e pus fòrta rason lo tuar. Nos cal totes admetre que, se d’unes an lo drech d’encensar dieu, d’autre an tanben le drech d’i escupir dessús (es segurament malaisit d’escupir sus quicòm qu’existís pas, mas aquò son figas d’una autra desca).

Yvan Colonna es estat assassinat e aquò perqué ? Perqué l’ignòble assassin s’es cregut permés d’aplicar la lei islamica immediatament, aicí e ara. Aquí es la dangierositat de l’islam : quand n’a la possibilitat cada musulman se pòt creire obligat d’aplicar la lei islamica, la charià, còpsec e aquí ont se tròba. La lei islamica, lei faicista se ne pòt èsser, enebís lo blasfèmi e Yvan Colonna auriá, segon son drech lo mai estricte, blasfemat en disent qu’escupissiá sus dieu. Remarcarètz en passant que ieu tanben soi atèu e que, condreitament, meti pas jamai de majuscula a « dieu », mas me vendriá pas a l’idèa d’empachar lo monde qu’o vòlon far de ne metre una. Cadun deu poder véser cocanha aquí ont l’i agrada.

Cossí que ne vira un òme liure, en país de paratge, es estat assassinat per un monstre crudèl que, subran, s’es pres pel justicièr autoproclamat d’un fantasma e d’una farfantèla. Tornèm dire qu’en país de laïcitat lo drech al blasfèmi e de criticar e caricaturar las religions es una libertat fondamentala. D’aquesta libertat se’n cal servir se que non, amb l’envasiment de l’ideologia islamica dins la societat, l’anam pèrdre. Totes los progressistas nos devèm aparar de l’obscurantisme islamic. Nos devèm aparar de son intoleráncia criminala.

Çò que m’atristesís mai es que nosaus, progressistas, podèm quitament pas comptar sus la premsa ultraesquerrista occitana per aparar las valors de prètz, paratge e convivéncia. Ne vòli per pròva qu’un blòg d’aquela movéncia anonciava lo 3 de març que l’independentista còrsa èra estat agarrit per un òme « empresonat per terrorisme », sens dire plan solide que se trachava d’un jiadista condemnat mai d’un còp, que sa darrièra condemnacion per terrorisme islamic èra de 9 ans de preson e qu’aviá rejonch los talibans entre 2011 et 2012. Atal n’es qu’aqueste blòg que qualifiqui a pròva d’islamoesquerrista, anonciava l’endeman de l’agression : « Yvan Colonna se tròba dins lo còma dempuèi qu’un autre presonièr l’escanèt ». Aqueste còp l’assassin d’Yvan Colonna es pas « qu’un autre presonièr », coma se se trachava d’un detengut demest d’autres. Plan solide l’autor de l’article se garda plan de remembrar que se tracha d’un islamista, d’un musulman fanatizat. Quand se daissa l’extrèma drecha franchimanda defendre sola la laïcitat e la libertat de consciéncia, se cal pas estonar puèi que faguèsse mai de 40 % a las eleccions. Soi malurosament obligat de constatar un còp mai que l’ultra esquèrra occitana fa lo lièch de l’ultra drecha francesa en Occitània.

            Amb aquò, la responsabilitat de l’Estat francés es engajatda dins l’assassinat d’Yvan Colonna. Es a n’el d’assegurar la seguretat de totes los ciutadans, i comprés dins las presons. Es a n’el de poder permetre a totes, siá pregar dieu, coma tanplan de li escupir dessús ; emai s’aquò agrada pas als islamistas.

             Sèrgi Viaule