/image%2F0568858%2F20140111%2Fob_0348f4_logo-pno-jpg){kind=logo}
Omenatge
Lo Partit de la Nacion Occitana vòl rendre omenatge a una granda figura de la vida politica e culturala de la Val d’Aran en particular e d’Occitània que ven de nos daissar : Maria Pilar Busquets i Medan, nascuda a Les lo 23 de mars de 1937.
Foguèt flor d'or als Jocs Florals de l'Escola deras Pirenèos de Gascunya e al concors literari de poesia e de prosa del Museu Etnològic de la Vall d'Aran. Èra membre de Convergència Democràtica Aranesa e foguèt Síndica (presidenta) d’Aran del 17 de junh 1991 al 12 de julhet de 1993. Foguèt tanben Deputada al Parlament de Catalonha per Convergencia i Unió de 1984 a 1988.
Saludam la militanta de tria per l’emancipacion culturala e politica d’Aran e d’Occitània. De militants del PNO, Joan-Pèire Alari e lo paure Maurici Pepin l’avián encontrada en çò sieu a Les mai d’un còp e lor aviá obtengut un rendetz-vos amb lo president de la Generalitat d’aquel temps, Jordi Pujol, a Barcelona.
Presentam nòstras condolenças mai sincèras a sa familha, mai que mai a sa filha Mireia Boya e Busquet, deputada al Parlament de Catalonha, e al Conselh d’Aran tanplan coma a totes los Araneses. Sèm segurs que sa filha Mireia contunharà son òbra.
http://lo.lugarn-pno.over-blog.org/
10 carrèra de Romàs
47000 Agen (Occitània)
telefonet. 06 76 47 32 12
14/11/16
Maria Pilar Busquets i Medan