/image%2F0568858%2F20140111%2Fob_0348f4_logo-pno-jpg){kind=logo}
Partit de la Nacion Occitana
Comitat d'Albigés
Comunicat de premsa del 15 de mai de 2014
Eleccions europèas: Sabina Steffan e Sèrgi Viaule, dos Albigeses candidats sus la lista "Occitània per una euròpa dels pòbles".
Sabina Steffan, artista lirica mondialament reconeguda de Buset de Tarn e Sèrgi Viaule, escrivan demorant a Sant Sulpici la Punta, totes dos sòcis del comitat albigés del Partit de la Nacion Occitana son candidats per las eleccions europèas del 25 d'aqueste mes.
Per principi favorable al federalisme intèrne al dintre de la nacion occitana, lo PNO se prononcia tanben, compte tengut de çò qu'es l'estat actual de las causas, per una federalisacion de la Republica Francesa sus de basas etno-culturalas. Milita tanben per una confederacion europèa dels Estats.
Al dintre de l'Union Europèa, puslèu que la dimension dels Estat-nacions, rebat de mantunes imperialismes, aquò's la dimension etno-culturala, e doncas nacionala, deu èsser presa en compte. Cada nacions deu poder accedir, a mai o mens longa escasuda, a l'autodeterminacion. Tal serà lo cas, dins las mesada que venon d'Escòcia e de Catalonha que se van prononciat, per referendòm, per o contra lor independéncia. Dins lo cas d'una desicion positiva dels pòbles escossés e catalan, l'alargament intèrne de l'Union deurà de far sens empacha. Èssent qu'aquestas nacions son ja integradas dins l'Union, los eventuals novèls Estats rejunherán, s'aquò lor ditz, la confederacion.
Obrant per la patz, lo Partit de la Nacion Occitana, sosten e sostendrà las aspiracions de las nacions encara sens Estat, que vòlon e que voldrán tot a l'encòp recobrar lor libertat e integrar una Euròpa confederala de totes los pòbles.
En vertut del principi de subsidiaritat lo Partit de la Nacion Occitana, qu’es per una construccion europèa rasonabla, vòl que sián limitadas, tant coma se pòt, las decisions burocraticas presas al nom dels pòbles. Los pòbles devon èsser consultats sus totes los subjèctes d’envergadura qu'engatjan lor astrada. Del meteis biais, sosten frairalament las aspiracions a la libertat de las autras nacions sens Estat. Tornar lor libertat a totes los pòbles sens excepcion es obrar per la patz. La patz es pas un proteccionisme illusòri o un replèc subre se porgisseire de guèrra comerciala et de regression del nivèl de vida; es la redefinicion de las relacions economicas internacionalas sus de basas drechurièras per una mai granda solidaritat e una compreneson entre los pòbles.
Per fin d'evitar tota disparitat dins los domènis social o economic, lo PNO proconisa una armonisacion europèa de la TVA, de la fiscalitat e dels sistèmas de proteccion sociala.
Sabina Steffan e Sèrgi Viaule, los dos Albigeses candidats sus la lista Occitània per una Euròpa dels pòbles a l'eleccion dels eurodepudats del 25 de mai de 2014, anonciarán, lo moment vengut, lor acamps publics dins lo despartament. Dins l'espèra, es possible de ne saber mai sul contengut de la campanha e d'imprimir lo butletin de vòte en anguent sul siti: http://occitania-eleccion-europenca2014.blogspot.fr . Se pòt atanben júnher lo comitat albigés del PNO al 05 63 40 09 33
Sabina Steffan e Sèrgi Viaule, dos Albigeses candidats sus la lista "Occitània per una euròpa dels pòbles".