De que legir en lenga nòstra : Lo secret de la rabassièra

De que legir en lenga nòstra :

Lo secret de la rabassièra

de Nicòla Faucon-Pellet

revirat del francés en lenga nòstra per Maria-Cristina Coste-Rixte

Siam dins lo sud de Droma. A l’entorn de Minà, la joina eroïna berbèra, personatge centrau d’aqueste roman, trobam son òme, Felip, qu’es païsan, e Juli, son sògre, un afogat de la rabassa. L’istòria se nosa entre elei tres, que vivon a tòca-tòca dins una granja solitària. Juli ensenha a Minà tota sa sciénça rabassièra. Pamens, un secret pesa sus aquesta familha, escondut tant fons dins leis estres coma la rabassa sota tèrra. Minà fai son enquista e tanben cerca lei diamants negres amb sa brava canhòta Liona.

Filha e felena de rabassaires de Droma provençala, Nicòla Faucon-Pellet es secretària de l’Association des Écrivains et Artistes Paysans, emai l’autora d’un detzenat d’àutrei libres.

Maria-Cristina Coste-Rixte, nascuda a Vauriàs (Vau-clusa), professora agregada d’anglès a la retirada, faguèt la revirada en provençau. Sòcia de l’Institut d’Estudis Occitans, de l’Association Internationale d’Études Occitanes e vici-presidenta dau PEN-club de lenga d’òc (Region Ròse-Aups).

152 paginas

15,50 € mai 2,80 € de mandadís = 18,30 € l'exemplar

Passar comanda per Las Pòstas e mandar lo chèc a: Edicions dels Regionalismes – 48b, rue de Gate-Grenier – 17160 Cressé

O alara comandar e pagar en linha