/image%2F0568858%2F20140111%2Fob_0348f4_logo-pno-jpg){kind=logo}
Comunicat de pressa :
Elections legislativi
Lo Partit de la Nacion Occitana e lo siu Comitat regional Est Provença- País Alpenc- País
Nissart, apòrtan lo siu sosten a la candidatura corso-occitana d’Alix Horsch-Filipi, presentada per Femu a Corsica e dau siu supleant Gregorio
Gobbi, sostengut per lo Partit Occitan per li elections legislativi dau 2012 dins la promiera circonscripcion de li Aups-Maritimi (cantons de NISSA I, II, III, IV, VIII,
XII). Es la soleta candidatura democratica e republicana occitana dau departiment, independanta dei partits politics francés. Es positiva per l'avenir de la nòstra region, dei siu estatjants, per
que pòscon viure e trabalhar au país, per un desvolopament economic, ecologic e, cultural durable. De mai, lo P.N.O demanda a toti li fremas e toi lu òmes que desíron donar un
avenir a la lenga de l’eròi dei doi-mondes, Jausep Garibaldi e dau Prèmi Nobel de Literatura en lo 1904, Frederic Mistral, l'occitan nissart, gavòt ò provençau dins la region Provença-Aups-Còsta
d'Azur e lo sud de la region Ròse-Aups, de sostenir e de votar per aquesta candidata e lo siu supleant.
Engatjat en la refondacion dau moviment occitan e dins un pensier de dubertura e de solidaritat, lo Partit de la
Nacion Occitana apòrta egalament lo siu sosten a li autri candidaturas occitanisti, notadament a aqueli presentadi dau Partit Occitan dins un cert nombre de departiments
occitans.
Partit de la Nacion Occitana
10, car. da Romàs
F-47000 Agen
Occitània per França
joan.peire.alari@gmail.com
http://lo.lugarn-pno.over-blog.org
http://www.p-n-o.org/Comitat_Pais_Nissart_Pais_Alpin_Est_Provenca.htm