Maurici Andrieu nos mancarà fòrça

Lo Partit de la Nacion Occitana es triste d'anonciar lo decès del Maurici Andrieu, animator de « Viure al Pais » de 1981 a 1998, lo magazin en occitan de França 3.

Granda personalitat d'Occitània, aviá causit a 39 ans d’abandonar la medecina per far de teatre que n’èra afogat e crear la Comedia Occitana Tolzana, una tropa del tot occitana.

Teniá sa coneissença prigonda de l’occitan de sa grand en Roergue.

Era excepcionalament cultivat e desinteressat. Voliá far de plaça pels joves. Era una figura atrasenta e amistosa del monde cultural occitan que nos mancarà fòrça.

Lo Partit de la Nacion Occitana s'associa al dòl de sa familha e de sos amics.

Adiu l'amic. As complit un plan brave trabalh per nòstra lenga e nòstra cultura. Lo melhor biais de t'oblidar pas es de seguir ta dralha.