Manifestacion de Barcelona : Per l’autodeterminacion de Catalonha

Per l’autodeterminacion de Catalonha

Cridats per gaireben totes los partits politics catalans levat lo Partido Popular de la drecha « espanhòlista », mai de 1 million de personas desfilèron dissabte passat 10 de julhet per las carrièras de Barcelona per protestar contra la sentencia del Tribunal constitucional espanhòl que remèt en causa 14 dels articles del novèl estatut d’autonomia de la Generalitat de Catalonha, e demandar l’autodeterminacion.

Aquel passa carrièra volía marcar una etapa sul camin de l’independéncia, en seguida de consultas popularas dins maitas comunas de Catalonha que mòstran un sosten incontestable dels catalans a l’autodeterminacion.

Arriba al moment que la còlha de fotbòl d’Espanha ven de ganhar la Copa del Monde en Africa del Sud gràcias a un jogaire basc, Iniesta.

Aquela victòria seriá estat , probable, mai dificila sens la preséncia dels jogaires bascs e catalans dins la còlha nacionala.

Lo Partit de la Nacion Occitana que sa tòca es tanben l’autodeterminacion dels Occitans, se regaudís de la capitada de la manifestacion de Barcelona e encoratja totes nòstres fraires catalans de la Generalitat, del País Valencian, de las Illas Balearas e del Rosselhon a contunhar lor lucha per lor ineluctabla autodeterminacion.

Lo 12 de julhet de 2010

Partit de la Nacion Occitana

B.P 44

F - 30201 Banhòus de Cèsa

Felip Bonnet, capiscòl

F - 31440 Marinhac- (Occitània)

+33 6 81 37 81 14