Gas de sistre - comuniquat - Partit de la Nacion Occitana

 Espleitacion del gas de sistre

Lo Partit de la Nacion Occitana pren acta  de la decision del govèrn francés de retirar los permíses d'espleitacion del gas de sistre per fracturacion idraulica pels sitis de Nant en Avairon, Vilanuèva de Berc en Ardècha e Monteleimar dins Droma.

L’oposicion e la resisténcia de la populacion occitana an forçat lo govèrn a recuolar pel primièr còp. La contunhacion de la mobilizacion permetrà l’abrogacion dels permíses d’espleitacion pels autres sitis.

Pasmens, l’espleitacion eventuala d’aquela ressorça per de tecnicas non-poluïssentas, inexistentas a l’ora d’ara, e sens degradacion màger de l’environament pausariá lo problèma de las repercussions economicas per las regions occitanas tocadas. Sol un poder regional fòrt, l’autonomia regionala, o melhor encara lor independéncia, permetriá als occitans de traire profièch de lors ressorças naturalas e d’evitar lor raubatge.
 
7 d'octòbre de 2011