Un vinhairon lengadocian visat
Lo Partit de la Nacion Occitana condemna energicament l’incendi criminal que destrusiguèt dins la nuèit de dimècres a dijòus a Ventenac Cabardés dins Aude los chais del dirigent viticòl de la Confederacion Paisana, Robert Curbières a qui adreiça sa simpatia. Quines que sián los autors d’aquel acte vil, res pòt pas desencusar aquela ataca contra la viticultura lengadociana qu’es l’anma d’aquel país occitan.
Los vinhairons lengadocians luchan per trabalhar e viure dignament al país. O farián mai aisidament aguèsson nòstras regions occitanas mai de poders e donc de marges de manòbra sul plan economic.
Partit de la Nacion Occitana
18 de novembre de 2013