Omenatge a Robèrt Linàs

            Los occitanistas nòrd-lengadocians qu’an qualques annadas a lor comptador, pòdon pas aver pas conegut Robèrt Linàs que se ven d’atudar aqueste dissabte 20 de genièr de 2024. D’efièch, tre la fin de las annadas 1970 e fins ara, foguèt un òme d’accion. Son ambicion èra de tornar socializar la lenga e far despartir la cultura occitana. Per aquò creèt e animèt un fum d’associacions dins fòrces sectors de l’activitat umana. Entre maitas, una associacion d’animacion culturala e de convivéncia que s’adreiçava mai que mai a las gents celibatàrias. Aquesta organizava de repaissòlas e tanben de balòchas per far se rescontrar las gents. Robèrt Linàs, nascut al campèstre, èra apassionat de mitan rural. Òme de cultura inter-nacionala, aviá tanben creat una associacion d’escambis entre estudiants austriacs e occitans. D’un autre latz e al meteis temps organizava en Bas-Carcin de manifèstacions publicas de tota mena coma de vuèjatrastes e de salons dels libres ont los editors occitans èran, plan solide, convidats. L’associacion 7alire que creèt, existís totjorn e organiza cada an un salon a Montclar de Carcin e un autre a Negrapelissa. Robèrt Linàs foguèt tanben un temps cap-redactor del jornal d’informacions localas L’Occitan que portava la benda negra. De confondre pas amb lo jornal L’Occitan, benda roja, qu’èra un jornal d’espandida nacionala e qu’èra bailejat, entre maitas personas, per Jacme Taupiac.

            Robèrt Linàs èra capable de menar mai d’una lèbre a l’encòp e tot çò que fasiá o fasiá d’una biais menimós e exemplar. Malurosament foguèt de longa limitat per una santat de totjorn trastejanta. S’èra pas estat aquò, l’òme seriá estat capable de bolegar de montanhas. Èra un animator de tria e solide que totes los que l’an conegut servaràn d’el lo sovenir d’un companh agradiu e serviciós. Tota sa vida foguèt vodada, al ras del pòble occitan, a la defensa e a l’illustracion de la cultura nòstra. Foguèt un òme que de longa brocava de ligams socials entre las gents.

            A setanta ans, sa despartida es plan tròp aboriva. Lo Partit de la Nacion Occitana adreiça sas condoléncias a son esposa, a sos enfants e a la familha tota. Se clina sus la memòria d’un Occitan que consacrèt, a son biais e segon sas competéncias, sa vida per que visca la nacion.

==============

Avec de décès de Robèrt Linàs,

l’Occitanie vient de perdre un de ses vaillants enfants

Les occitanistes nord-languedociens qui ont quelques années à leur compteur, ne peuvent pas ne pas avoir connu Robèrt Linàs, qui vient de s'éteindre ce samedi 20 janvier 2024. En effet, dès la fin des années 1970 et jusqu'à maintenant, il fut un homme d'action. Son ambition était de socialiser la langue et faire partager la culture occitane. Pour ce faire, il créa et anima un grand nombre d'associations dans plusieurs secteurs d'activité humaine. Entre autres, une association d'animation culturelle et de convivialité qui s'adressait surtout aux personnes célibataires. Celle-ci organisait des repas mais aussi de bals pour faire se rencontrer les gens. Robèrt Linàs, né à la campagne, était passionné par le milieu rural. Homme de culture, il avait aussi créé une association d'échanges entre étudiants autrichiens et occitans. D’autre part, et en même temps, il organisait en Bas-Quercy des manifestations publiques de toutes sortes comme des vide-greniers et des salons des livres où les éditeurs occitans étaient, bien entendu, invités. L'association 7alire qu'il créa existe toujours et organise chaque année un salon à Monclar-de-Quercy et un autre à Négrepelisse. Robèrt Linàs fut aussi un temps rédacteur en chef du journal d'informations locales L'Occitan avec un bandeau noire. A ne pas confondre avec le journal L'Occitan, bandeau rouge, qui était un journal pan-occitan et qui était dirigé, entre autres personnes, par Jacme Taupiac.

Robèrt Linàs était capable de lever et courir plus d'un lièvre à la fois. Tout ce qu’il faisait, il le faisait d'une façon minutieuses et exemplaire. Malheureusement il fut en permanence limité par une santé toujours chancelante. Si cela n'avait pas été, l'homme aurait été capable de déplacer des montagnes. C'était un animateur remarquable et certainement que tous ceux qui l'ont connu conserveront de lui le souvenir d'un compagnon agréable et serviable. Toute sa vie fut vouée, au plus près du peuple occitan, à la défense et à l'illustration de la notre culture. Ce fut un homme qui en permanence tissait des liens sociaux nouveaux entre les gens.

            Même si c’est le cas à tout âge, à soixante-dix ans, sa disparition est survenue bien trop tôt. Le Parti de la Nation Occitane adresse ses condoléances à son épouse, à ses enfants et à la famille. Il s’incline à la mémoire d'un Occitan qui consacra son existence, à sa façon et selon ses compétences, pour que vive la nation, pour que vive notre nation.

              Le comité de rédaction du Lugarn